Latest Blog

ፍልይቲ ምኻነይ ይፈልጥ ኣይነበርኩን። ካብ ዘይምፍላጠይ ዝተላዕለ ድማ ብዙሕ ነገራት ይርድኡኒ ኣይነበሩን፣ ብዙሕ ሕቶታት ውን ኔሮሙኒ። ሰባት ብዝተፈለየ ዓይኒ ከም ዝእይዋ ንዓለም ሎሚ እየ ፈሊጠ። ወላ ብምልኣት እካ እንተ ዘይተረዳእክዎም ብከመይ ነገራት ይርድእዎም ግን ክርድኦም ይፍትን። ኣነ ዝዛረቦን ዘለኒ ኣረኣእያን ኣብ ዓለም ዝተፈለየ ከም ዝኮነ ኣብዚ ሕጂ እዩ ተረዲኡኒ። እዚ ከኣ ሰባት እንተ ዘይተረዲኦምኒ ከም ዘይተረድኦም ክርዳእ ይገብረኒ። ካብቲ ገዛእ - ርእሰይ ዘይምርዳእ ዘሸግረኒ ዝነበረ፣ ኣብ መንጎይን ኣብ መንጎ ካልኦት ሰባትን ዘይምርድዳእ ዝፍጠር ዝነበረ፣ ኣብ ንእስነተይ ክርድኦ ስለዝከኣልኩ ግን ካብ ብዙሕ ዓመታት ክሳራ ዲሒነ እየ። ወላ እካ ኣብዚ ግዜ እዚ ስቅታ ዝበዝሖ በይናዊ ግዜ እንተ በዝሐ፣ ንውሽጠይ ግን ሰላምን ደስታን ይሰፍኖ።